Առանց սոսնձման օպտիկական տեխնոլոգիաներ
Ինչպես հայտնի է, օպտիկական միակցիչների մոնտաժի ավանդական տեխնոլոգիաները հիմնված են սոսնձման վրա`օպտիկական մանրաթելը սոսնձվում է միակցիչի ծայրին: Այս հասարակ գաղափարի իրագործումը կապված է մի շարք գործնական անհարմարությունների հետ.
- անհրաժեշտ է աշխատատեղ, որը բավարարում է մաքրության ամենախիստ պահանջներին, էլեկտրաէներգիայի հասանելիությանը և այլ
- անհրաժեշտ է շարունակական ժամանակ էպօքսիդ միացության պատրաստման, տեղադրման և չորացման համար
- մոնտաժողները պետք է տիրապետեն գործնականում առավել կրիտիկական գործողությունների կատարման կարողությանը
- ծախսվում է բավականին շատ նյութեր
Սոսնձման տեխնլոգիայի այս առանձհատկությունները իրապես բարդեցնում են դրա կիրառումը դաշտային պայմաններում, այսինքն երբ արդեն տեղակայված մալուխը անհրաժեշտ է վերջավորել մոնտաժային պահարանում կամ աշխատավայրում:
Դաշտային պայմաններում միակցիչների առավել հեշտ և արդյունավետ մոնտաժման համար AMP NETCONNECT ընկերությունը առաջարկում է չսոսնձվող Light Crimp և Light Crimp Plus տեխնոլոգիաներ: Այս տեխնոլոգիաները թույլ են տալիս տեղակայել միակցիչները` չունենալով բարձր որակավորում և թանկարժեք գործիք, առանց մեծամասշաբ սարքավորման և այլն:
ST կամ SC տիպի միակցիչները ( Light Crimp և Light Crimp Plus տեխնոլոգիաների հետ համատեղ), ինչպես նաև LC տիպի միակցիչները ( Light Crimp Plus) տեղադրվում են 2-3 րոպեների ընթացքում, ընդ որում դրանց ֆունկցիոնալ և էքսպլուատացիոն բնութագրիչները ոչնչով չեն զիջում համանման “սոսնձվող” անալոգներին:
Light Crimp տեխնոլոգիան հիմնված է միակցիչի կորպուսում/պատյանում օպտիկական մանրաթելի մեխանիկական ֆիքսման վրա: Ենթադրաբար, պաշտպանված մանրաթելը մխոցի միջով մտցվում է միակցիչի կորպուսի/պատյանի մեջ, որից հետո սեղմիչի օգնությամբ մխոցը տեղակայվում է ներսում: Դրա հետ մեկտեղ մանրաթելը շրջապատող 3 շերտերը դեֆորմացվում են և ապահով կերպով ֆիքսում են այն: Նմանատիպ միակցիչի կորուստների տիպային արժեքը կազմում է
0.12 дБ ,-40°С-ից մինչև +85°С դիապազոնում:
Այնուհետև մանրաթելի ավելցուկը հեռացվում էև նրա միջուկը ենթարկվում է թեթև հղկման: Ամբողջ գործընթացը բտևում է մի քանի րոպե: Էպօքսիդ միացության, վառարանում միակցիչի չորացման, երկարատև հղկման անհրաժեշտություն չկա:
Տեղակայման գործիքները կարելի է ձեռք բերել ինչպես ամբողջական կոմպլեկտով, այնպես էլ` առանձին, գնելով միայն նրանք, որոնք հատուկ են տեղակայման տվյալ տեխնոլոգիայի համար:
Light Crimp Plus տեխնոլոգիան ապահովում է մալուխների վերջավորման առավել պարզ տարբերակ: Բացի մանրաթելի մեխանիկական ֆիքսատորից` Light Crimp Plus միակցիչը պարունակում է նաև կտրված և հետևաբար գործարանային պայմաններում հղկված մանրաթելի հատված: Այդ իսկ պատճառով էլ միակցիչի պատյանում պաշտպանված և կտրված օպտիկական մանրաթելի ֆիքսումից հետո դրա հղկման անհրաժեշտությունը ընդհանրապես չի առաջանում: Նման ձևով վերջավորման գործընթացը զգալիորեն հեշտանում է և տևում է ոչ ավել, քան 2-3 րոպե` ներառյալ օպտիկական մանրաթելի նախապատրաստումը: Նմանատիպ է նաև MT-RJ դյուպլեքս միակցիչի տեղադրման գործընթացը:
Հայտնի են արագ չորացվող միացությունների կիրառմամբ տեխնոլոգիաներ, երբ դրանց երկու բաղադրիչներից մեկը նախօրոք տեղադրվում է միակցիչի ներսում: Վերջավորման գործընթացում մանրաթելը թացացվում է երկրորդ բաղադրիչով և արագ մտցվում է միակցիչի մեջ: Երկու բաղադրիչների շփումից անմիջապես հետո սկսվում է միացության ամրացումը: Այս գործընթացում դանդաղկոտությունը հավասարազոր է թանկարժեք միակցիչի կորստին: Բացի այդ, արագ չորացվող միացությունները ջերմաստիճանի գործակիցների տատանումներից կարող են մանրաթելում մեխանիկական լարվածության պատճառ հանդիսանալ, որը երկարատև ժամանակահատվածում կարող է հանգեցնել նաև դրա տրոհմանը: Դա ավելի տհաճ է, քանի որ շահագործման ընթացքում լարերի ճեղքումը հայտնաբերելը առավել բարդ է, քան ասենք, տեղակայման գործընթացի ժամանակ, և դրա հետևանքները զգալիորեն ավելի լուրջ են: Այլ արտադրողները գործարանայյին պայմաններում համալրում են միակցիչը միացությամբ, որը միակցիչի` հատուկ վառարանում մինչև 80°С ջերմաստիճանում տաքացման ժամանակ հալվում է : Օպտիկական մանրաթելի տեղադրումից և դրան հաջորդող միացության սառեցումից հետո նույնպես խնդիրներ են ծագում` կապված մանրաթելում մեխանիկական լարվածության հետ: Բացի այդ, նմանատիպ տեխնոլոգիան պահանջում է ժամանակ և էներգիայի առկայություն աշխատավայրում` միակցիչների տաքացման համար: Լրացուցիչ թերություն է համարվում միակցիչների կիրառման համար սահմանափակ ջերմաստիճանային դիապազոնը, քանի որ ջերմաստիճանի բարձրացման դեպքում (օրինակ պահարանում, որտեղ տեղադրված է սարքավորում) մանրաթելի ֆիքսացիան խախտվում էմիացության փափկելու պատճառով:
Միացությամբ համալրված (գործարանում) միակցիչների ըդհանուր թերությունը հանդիսանում է պահպանման սահմանափակ ժամկետը: Եթե նմանատիպ միակցիչը չի օգտագործվում մինչև նշված ժամկետը, ապա այն անհրաժեշտ է դեն նետել: Բացի այդ, դրանց հղկման գործընթացը, ինչպես ցանկացած այլ սոսնձվող միակցիչի դեպքում, պահանջում է շատ ժամանակ և հղկման համար նախատեսված թուղթ:
Օպտիկական մանրաթելերի առանց միակցիչներով միացումները, որոնք պահանջում են օպտիկական մալուխների միավորման ժամանակ, ավանդաբար իրականացվում են եռակցման միջոցով: Չնայած եռակցման միջոցով բարձրորակ օպտիկական կոնտակտների ստացմանը` այն ունի կարևոր թերություն: Դա մանրաթելում դրանց միացման հատվածում լարվածության առկայությունն է, որը նվազեցնում է դրա ծառայողական ժամկետը, զգալի զանգվածն ու սարքավորման բարձր գինը, բարձր որակավորում ունեցող մոնտաժողների առկայությունը, աշխատելու վտանգը բարձր խոնավություն ունեցող և պայթունավտանգ շինություններում:
